اوٹاوا۔22ستمبر (اے پی پی) پاکستانی نژاد سلمی زاہد کینیڈا دے ایوا ن نمائندگان دی نشست مسلسل تریجھی واری جت کراہیں تاریخ رقم کر ݙتی اے۔ کینیڈا دی حکمران لبرل پارٹی دی سلمیٰ زاہد سکاربورو سینٹر توں پارلیمنٹ دی نشست کنزرویٹیو اتے این ڈی پی امیدواراں کوں ہرا کراہیں ہک واری ولا جت ڳحدی، سلمی زاہد پہلی واری 2015 اچ انتخاب جتیا ۃئی اتے 2019 اچ او ولا منتخب تھی ہن۔ ۔سیاست توں پہلے ، او ہک کمیونٹی آرگنائزر ہن اتے انہاں لندن یونیورسٹی دے انسٹی ٹیوٹ آف ایجوکیشن توں تعلیمی انتظام اتے انتظامیہ اچ ماسٹرز دے نال نال پاکستان دی قائد اعظم یونیورسٹی توں ایم بی اے کیتے۔
