اسلام آباد۔22ستمبر (اے پی پی) وزیراعظم دے مشیر برائے تجارت عبدالرزاق دائود آکھیا جو سام سنگ الیکٹرانکس کراچی اچ ٹی وی لائن اپ پلانٹ لیسی۔ بدھ کوں آپݨے بیان اچ انہاں آکھیا جو سام سنگ الیکٹرانکس کراچی اچ ٹی وی لائن اپ پلانٹ لیندا پئے۔ اے پلانٹ 2021 دی چوتھی سہ ماہی اچ فعال تھی ویسی۔ انہاں آکھیا جو اے پلانٹ چلݨ دے بعد پنجاہ ہزار یونٹ دی سالانہ پیداوار تھیسی۔ انہاں آکھیا جو وزارت تجارت دی صنعتاں کوں ودھاوݨ کیتے میک ان پاکستان پالیسی پاروں اے ممکن تھیے۔ حکومت ایں پلانٹ دے خرچے، صنعتی شعبے دی ریشنلائزیشن اتے ٻئی مراعات ݙتن۔
