اسلام آباد،نیویارک۔22ستمبر (اے پی پی) پاکستان اتے پرتگال دے عوامی رابطے اتے ݙوپاسہ تعاون دے ودھارے کیتے ݙوہیں ملکاں دے پارلیمنٹری فرینڈ شپ گروپس کوں ٻیا متحرک کیتا ونڄے۔ پر امن اتے مستحکم افغانستان نہ صرف پاکستان کیتے بنیادی اہمیت رکھیندے بلکہ خطے دے امن و امان کیتے افغانستان اچ امن و امان ضروری اے۔ وزیرخارجہ مخدوم شاہ محمود قریشی اقوام متحدہ دی جنرل اسمبلی دے76 ویں اجلاس دے موقع تے پرتگال دے وزیرخارجہ آگستوسینتوس سلواس نال ملاقات کیتی ایں موقع تے آپسی دلچسپی، علاقائی اتے بین الاقوامی معاملے سودھے اقوام متحدہ دے فورم تے ݙوہیں ملکاں دے تعاون تے ڳالھ مہاڑ کیتی ڳئی۔ وزیرخارجہ پرتگال نال پاکستان دے آپسی تعلقات خصوصی طور اقتصادی اتے تجارتی رابطے ودھاوݨ دی خواہش کیتی۔
