واشنگٹن۔22ستمبر (اے پی پی):امریکی صدر جوبائیڈن کینیڈا دے وزیراعظم جسٹن ٹروڈو کوں تریجھی واری انتخابات جتݨ تے مبارخ ݙتی اے ۔ فرانسیسی خبر رساں ادارے وائٹ ہائوس دے حوالے نال ݙسائے جو امریکی صدر گزریل ݙینھ کینیڈین وزیراعظم دے نال ٹیلی فون تے ڳال کیتی جیں اچ ݙوہیں رہنماواں ݙوہیں ملکاں وچال مضبوط اتے گھاٹے دوستانہ تعلقات ،اپݨی معیشتاں اچ لچک تے مسابقت کوں مضبوط بݨاوݨ متعلق مشترکہ عزم اتے کورونا وائرس دی وبا نال نبݨݨ کیتے مربوط اقدامات بارے ڳال کیتی ۔ کینیڈین وزیراعظم جسٹن ٹروڈو دے دفتر ھک بیان اچ ݙسائے جوڳال مہاڑ اچ ݙوہیں ملکاں دی سلامتی اتے خوشحالی کیتے کینیڈا تے امریکا دی شراکت داری دے سانجھے فیدے دی اہمیت دا اعادہ اتے تے ݙو طرفہ تعاون تے ڳال کیتے وختی ملاقات کرݨ دا عزم ظاہر کیتا ڳئے ۔