اسلام آباد۔22ستمبر(اے پی پی)وفاقی وزیر برائے انسانی حقوق ڈاکٹر شیریں مزاری آکھے جو وزیراعظم عمران خان دے وژن دے تحت اقدامات بشمول احساس پروگرام اتے ہیلتھ کارڈ ہک مساوی معاشرہ اتے انصاف پسند فلاحی ریاست دی راہ ہموار کریندے پئے ہیں، جتھاں پسماندہ گروہاں کوں سماجی تحفظ ملدا پئے اتے برابری دے موقع ملدن۔ اسلام آباد اچ “لیڈرز ان اسلام آباد بزنس سمٹ” نال خطاب اچ انہاں آکھیا جو انسانی حقوق دی وزارت انصاف تئیں رسائی ، جوابدہی اتے موجودہ طریقہ کار کوں تکڑا کرݨ کیتے اقدامات کیتن، لیگل ایڈ اینڈ جسٹس اتھارٹی ٻݨائی ڳئی اے، وزارت کریمنل جسٹس سسٹم اچ اصلاحات شروع کرݨ تے وی توجہ ݙیندی پئی اے۔
