اسلام آباد۔22ستمبر(اے پی پی)وفاقی وزیر توانائی حماد اظہر آکھیے جو گیس ذخیرہ کرݨ کیتے نویں سٹور ٻݨدے پین، آندے سیالے اچ لوکاں کوں تسلسل نال گیس ملسی۔ قومی اسمبلی اچ سوالاں دا ولدا ݙیندے وفاقی وزیر حماد اظہر آکھیے جو ملکی ذرائع نال گیس سپلائی اچ تیزی پاروں گیس دی کمی تھیندی پئی اے، ایں کمی کوں آر ایل این جی نال پورا کیتا ویندے، اساں صارفین تے درآمدی گیس دا دبائو نسے ست سڳدے، 70 فیصد ایل این جی لانگ ٹرم کنٹریکٹ نال ڳھدی ویندی اے اتے شارٹ ٹرم گیس خریداری اچ کہیں وزیر مشیر دا کوئی کردار نئیں ہوندا، سوئی سدرن اتے سوئی ناردرن گیس کمپنیاں دے بورڈز گیس ملھ ڳھنݨ دا فیصلہ کریندن۔
