اسلام آباد۔23ستمبر(اے پی پی)صدر مملکت ڈاکٹر عارف علوی آکھیے جو پاکستان اچ ملٹی نیشنل کمپنیاں اتے سمندر پار پاکستانیاں کوں اپݨے کاروباری اداریاں خاص کر انفارمیشن ٹیکنالوجی دے شعبے دی ترقی سانڳے سہولت ݙیوݨ کیتے ادارہ جاتی فریم ورک ٻݨایا ونڄے، ملک اچ غیرملکی سرمایہ کاری ڳھن آوݨ کیتے کمپنیاں دی رجسٹریشن اتے سرمایہ دی منتقلی سوکھی کرتے کاروباری دوست ماحول ݙتا وںڄے۔ او ایوان صدر اچ امریکہ دے سیلیکون ویلی توں پاکستانیاں دے ویڈیو لنک اجلاس نال خطاب کریندے پئے ہن۔ اجلاس اچ غیر ملکی سرمایہ کاراں اتے پاکستانیاں کوں پاکستان اچ کاروبار اتے سرمایہ کاری اچ مسلیاں تے غور کیتا ڳئے۔ اجلاس اچ کمپنیاں دی رجسٹریشن دے طریقہ کار اچ اوکھ، بینک اکاؤنٹس کھولݨ دے مسلیاں اتے ونڈو آپریشن نہ ہووݨ دا جائزہ ڳھدا ڳیا۔
