اسلام آباد۔25ستمبر (اے پی پی) وزیر مملکت اطلاعات تے نشریات فرخ حبیب آکھیا جو وزیراعظم اقوام متحدہ اچ دلیرانہ انداز نال مودی دے ظالمانہ نظریہ آر ایس ایس کوں ایکسپوز کیتے۔ انہاں آکھیا جو وزیراعظم عالمی دنیا کوں بہترین انداز اچ ݙسائے جو افغان جنگ اچ ساریاں توں ودھ جانی تے مالی ضیان پاکستان دا تھیے، ہݨ دنیا کوں چاہیدے جو ماضی دی غلطی نہ دہراوے اتے افغانستان اچ دیر پا امن کیتے کوشش کرے۔ ہفتے کوں آپݨے ٹویٹ اچ انہاں آکھیا جو بھرپور دلائل نال کشمیریاں دے سچے وکیل اتے نڈر سفیر ہووݨ دا کردار ادا کیتے۔
