راولپنڈی ۔۔26ستمبر (اے پی پی) پاک فوج ماسکو اچ تھیوݨ آلی 58ویں ورلڈ ملٹری باکسنگ چیمپئن شپ اچ کانسی دا تمغہ آپݨے ناں کیتا۔ پاک فوج دے شعبہ تعلقات عامہ (آئی ایس پی آر) ولوں اتوار کوں جاری پریس ریلیز دے مطابق پاکستان آرمی روس دے دارالحکومت ماسکو اچ تھیوݨ آلی 58ویں ورلڈ ملٹری باکسنگ چیمپئن شپ اچ کانسی دا تمغہ جتیا۔ پاک فوج دے سپاہی بلاول ضیاء ورلڈ ملٹری باکسنگ چیمپئن شپ اچ کانسی دا تمغہ آپݨے ناں کیتا۔
