پاکستان مظلوم کشمیریاں دی ہر سطح تے حمایت اچ نال کھڑے، شاہ محمود قریشی دی پاکستانی نژاد برطانوی کشمیری رہنماواں نال ملاقات

APP12-270921 LONDON: September 27 - Foreign Minister Makhdoom Shah Mahmood Qureshi met UK Based Kashmiri Leaders at Pakistan House. APP

لندن۔27ستمبر(اے پی پی)وزیر خارجہ مخدوم شاہ محمود قریشی پاکستان ہاؤس لندن اچ کشمیر دے برطانوی پاکستانی رہنماواں اتے کمیونٹی دے نمائندیاں نال ملین۔ انہاں مقبوضہ کشمیر اچ بھارتی انسانی حقوق دیاں خالف ورزیاں بے نقاب کرݨ کیتے پاکستانی کشمیری برادری دے مثبت کردار دی تعریف کیتی اتے ایں سانڳے پاکستان دیاں کوششاں دا ݙسایا۔ انہاں آکھیا جو حکومت پاکستان عالمی ذرائع نال ہک ڈوزیئر اقوام متحدہ اچ پیش کیتے اتے بھارتی قابض افواج دے 3 ہزار توں ودھ جنگی جرائم دی تفصیل ݙسائی اے۔ انہاں برطانوی پاکستانی کمیونٹی دی حوصلہ افزائی کیتی جو او مقبوضہ کشمیر اچ جاری انسانی حقوق دی خلاف ورزیاں سامݨے ڳھن آوݨ کیتے کردار ادا کرن۔ انہاں یقین ݙیوایا جو پاکستان کشمیریاں دی اقوام متحدہ دی سلامتی کونسل دی قرارداداں دے مطابق حق خودارادیت تئیں مکمل سیاسی، اخلاقی اتے سفارتی حمایت جاری رکھیسی۔