اسلام آباد۔28ستمبر (اے پی پی)وزیر داخلہ شیخ رشید احمد آکھیا جو پاکستان افغانستان اچ امن اتے سیاسی استحکام کیتے آپݨا کردار نبھیندا رہسی، انخلا اچ بین الاقوامی برادری نال تعاون کریندے رہسوں۔اے ڳالھیں انہاں کینیڈا دی ہائی کمشنر برائے پاکستان وینڈی کرسٹین گلمور نال ڳالھ مہاڑ کریندیں ہوئیں آکھی جنہاں منگل کوں اتھاں انہاں نال ملاقات کیتی۔ ملاقات اچ پاک کینیڈا ݙو پاسہ تعلقات سودھے افغانستان اتے خطے دی صورتحال تے ڳالھ مہاڑ کیتی ڳئی ۔ایں موقع تے کینیڈین ہائی کمشنر آکھیا جو کینیڈین ہائی کمیشن دی درخواست تے افغان شہریاں دے انخلا تے پاکستان داشکریہ ادا کریندوں۔
