اسلام آباد۔28ستمبر(اے پی پی)وزیراعظم دے ترجمان اتے معاون خصوصی سیاسی ابلاغ ڈاکٹر شہباز گل آکھیے جو برطانیہ اچ شہباز شریف دے خلاف کوئی مقدمہ ہا اتے نہ او کہیں عدالت توں بری تھین، برطانوی نیشنل کرائم ایجنسی ولوں سلمان شہباز دے منجمند تھیوݨ آلے اکائونٹ بحال تھین، شہباز شریف اتے ٹبر کوں 28 ارب روپے دی جعلی ٹی ٹیز دی رسیدں ݙیوݨیاں پوسن۔ اے ڳالھ انہاں پریس کانفرنس اچ آکھی۔ انہاں آکھیے جو برطانوی بینک سلمان شہباز دی مشکوک ٹرانزیکشن دا برطانیہ دی نیشنل کرائم ایجنسی کوں ݙسایا ہا، جیندے تے برطانوی عدالت سلمان شہباز دے اکائونٹ ہک سال کیتے منجمند کر ݙتے ہن، ڄیڑھے 10 ستمبر کوں ولا بحال کر ݙتے ڳین۔ انہاں آکھیا جو ن لیگ کیتے وݙا ماݨ اے جو انہاں دی ٹرانزیکشن مشکوک نکلین جیندیاں کئی مہینے تحقیقات چلین، شہباز شریف دے خلاف ساݙی شکایت تے کارروائی تھئی اے نا برطانیہ اچ کوئی مقدمہ چلدا پئے، انہاں دا بری تھیوݨ صرف کوڑی خبر اے، اینڄھے کوڑ تے متعلقہ چینل مالک کوں وی سوچݨا چاہیدے، ول اے آہدن جو اے آزادی صحافت تے حملہ اے، چینل نوازشریف دے ذاتی ملازم کوں اپݨا نمائندہ رکھیا ہوئے۔ انہاں آکھیے جو شہباز اتے نوازشریف دا کوئی ڄھیڑا کائنی، اے ݙوہیں کوڑے اتے چور ہین ڄیڑھے صرف فراڈ ہی کر سڳدن۔ شہباز گل آکھیے جو شہباز شریف 25 ارب دے منی لانڈرنگ مقدمے اچ اپݨے ملازمین توں ٹی ٹیاں لواعن، ݙساون جو اے پیسہ کتھو آئے؟ اوں تاں آہدن جو ساݙا ٻالاں نال لاھݨا ݙیوݨا کائنی تے ہݨ ایکوں اپݨی بریت آہدے پین، (ن) لیگ آلیاں کوں انگریزی لکھیے فیصلے سمجھݨ اچ ویلھا لڳدے، او تئیں اے مٹھائیاں وی کھا چکیے ہوندن اتے نچ ٹپ وی ڳھندن بھل بعد اچ اصلیت کھلݨ تے شرمندے تھیندن، انہاں دے ٻانح ٻیل بنک مالکان ہتھیں آ ڳین، ہݨ انہاں کوں لٹ مار دا ݙساوݨا پوسی۔
