لاہور۔28ستمبر(اے پی پی)وزیراعلیٰ پنجاب سردار عثمان بزدار آکھیے جو چھوٹے اتے درمیانے صنعتکاراں کوں کاروبار کیتے سوکھ ݙیسوں، مظفر گڑھ انڈسٹریل اسٹیٹ کوں سپیشل اکنامک زون دا درجہ ݙتا ویسی۔ اے ڳالھ انہاں ایوان صنعت و تجارت ملتان دے سابق صدر تے ڈیرہ غازی خان چیمبر آف کامرس اینڈ انڈسٹری دے صدر خواجہ جلال الدین رومی نال ملݨ ویلھے آکھی۔ انہاں جنوبی پنجاب اچ صنعت و تجارت دی ترقی، لنگر خانے ٻݨاوݨ، فلاحی سرگرمیاں تے الایا۔ انہاں ملتان اچ نینگراں کیتے قرض حسنہ سکیم شروع کرݨ تے وی اتفاق کیتے۔ خواجہ جلال الدین رومی ملتان اتے دیرہ غازیخان اچ لنگر خانے کھولݨ، نینگراں کوں قرض حسنہ ݙیوݨ اتے سولر پاور واٹر فلٹریشن پلانٹس پراجیکٹس سانڳے تفصیل ݙسائی۔