اسلام آباد۔29ستمبر (اے پی پی) وزیراعظم عمران خان آکھیا جو پاکستان دی ترقی کیتے سارے علاقیاں کوں ہکو سویں ترقی ݙیوݨی پمسی، ستر سالیں اچ جیڑھے علاقیاں کوں ترقی توں محروم رکھیا ڳئے انہاں کوں اُتے گھن تے آوݨ اساݙی حکومت دی پہلی ترجیح اے، 2013 اچ ٻݨائی ڳئی موٹرویز دی لاگت اڄ توں 20 کروڑ روپ فی کلومیٹر ودھ ہئی، ایف آئی اے کوں اے اختیار ݙتے جو او ایجھے منصوبیاں دی تحقیقات کرے، قوم دے سامھے ساری تفصیل گھن امسوں، پاکستان دا ساریاں توں وݙا مسئلہ کرپشن اے۔ وسائل دے باوجود غریب ملکاں دی غربت دی بنیادی وجہ ایہو کرپشن اے۔ او بدھ کوں بلوچستان اچ جھل جھائو۔بیلہ شاہراہ دی بحالی اتے اپ گریڈیشن منصوبے دی منݙھ بدھݨ دی تقریب نال خطاب کریندے پئے ہن۔ ایں موقع تے وزیر اعلیٰ بلوچستان جام کمال خان، وفاقی وزیرمواصلات مرادسعید وی خطاب کیتا۔ ایں موقع تے ڈپٹی سپیکر قاسم سوری وی موجود ہن۔ وزیراعظم عمران خان خطاب کریندیں ہوئیں آکھیا جو ن لیگ دے دور اچ ٻݨݨ آلی سڑکاں دی نسبت 20 کروڑ روپے گھٹ لاگت اچ سڑکاں ٻݨیندے پیوں۔ انہاں آکھیا جو ، ایف آئی اے کوں اے اختیار ݙتے جو او ایجھے منصوبیاں دی تحقیقات کرے، قوم دے سامھے ساری تفصیل گھن امسوں، پاکستان دا ساریاں توں وݙا مسئلہ کرپشن اے۔ وسائل دے باوجود غریب ملکاں دی غربت دی بنیادی وجہ ایہو کرپشن اے۔وزیراعظم آکھیا جو جھل جھائو۔بیلہ شاہراہ بلوچستان دے مختلف علاقیاں کوں رلاوݨ کیتے اہم منصوبہ اے۔
