عدلیہ شہبازشریف دے کیسز روزانہ سݨے تاں کھیر پاݨی انڄھو انڄھ تھی ویسی، وزیراطلاعات و نشریات چوہدری فواد حسین

APP52-170821 ISLAMABAD: August 17 - Federal Minister for Information and Broadcasting, Chaudhary Fawad Hussain briefing to media persons about the decisions taken in Federal Cabinet meeting. APP

اسلام آباد۔29 ستمبر(اے پی پی)وفاقی وزیر اطلاعات فواد چودھری آکھیے جو عدلیہ شہبازشریف دے کیسز روزانہ سݨے تاں کھیر پاݨی انڄھو انڄھ تھی ویسی۔ اسلام آباد اچ وزیر مملکت اطلاعات و نشریات فرخ حبیب دے کٹھے میڈیا نال الیندے انہاں آکھیا جو شہباز شریف دے خلاف پاکستان اچ ݙو کیسز چلدے پین، شہباز شریف دے خلاف مقدمہ روزانہ دی بنیاد تے نئیں ٹریا، عدالت توں اپیل اے جو او کیس روزانہ سݨین جو عوام دیاں اکھیں کھلن۔ فواد چوہری آکھیا جو العربیہ، رمضان شوگر ملز کوں منی لانڈرنگ نیٹ ورک چیلندا پیا ہا، چپڑاسیاں دے کھاتیاں اچ ارباں روپے سٹیے ڳین جیندی لسٹ ݙیکھ تے تساں حیران رہ ویسو جو ایں ملک دے حالات اتے مہانگ کیوں تھئے جیویں ایکوں لٹیا ڳئے۔ وزیر اطلاعات آکھیے جیکر شہبازشریف توں پاکستان اچ ٹی ٹیز دا پچیڄے تاں آہدن جو سلمان شہباز توں پچھو۔ انہاں آکھیا جو فیک نیوز تے شہزاد اکبر کیس فائل کریندے پین، اساں لیگی نائب صدر کوں ٻاھرو نسے ونڄݨ ݙیندے پئے، جیکر اڄ اجازت ݙیووں تاں اے صبحائیں نس ویسن۔ انہاں آکھیا جو ڈی جی نیب شہزاد سلیم ہک کورس کیتے برطانیہ ڳئے ہن، ٻئے ملکاں توں لوک وی برطانیہ ڳئے ہن۔ فواد چودھری آکھیے جو پی ٹی آئی دے سوا ٻیا کوئی سیاسی جماعت وفاق دی جامعت نئیں، اے مولانا فضل الرحمان، نوازشریف، بلاول بھٹو ساریاں مقامی جماعتاں ہین، انتخابی اصلاحات تے اپوزیشن نال ڳالھ چلدی پئی اے، کوشش اے جو اے معاملہ زیادہ لمبا نہ تھیوے۔