اسلام آباد۔29 ستمبر(اے پی پی)صدر مملکت ڈاکٹر عارف علوی صوبائی حکومتاں کوں آکھیے جو او بلدیاتی حکومتاں بارے اپݨیاں ذمہ داریاں پوریاں کرن، بلدیاتی نظام نال جمہوریت تکڑی تھیندی اے اتے اسلامی اصولاں دے تحت عوام دی نچلی سطح تے بھلائی اچ مدد ملدی اے۔ اے ڳالھ انہاں مقامی حکومتاں بارے قومی کانفرنس نال خطاب اچ آکھی۔ انہاں آکھیا جو ریاست موثر بلدیاتی نظام دی ذمہ دار اے بھل ہݨ اے صوبائی معاملہ اے، صوبیاں کوں ایندے کیتے اقدامات کرݨے ہوسن، جمہوری دور اچ اختیارات ہیٹلی سطح تے منتقل تھیوݨے چاہیدن، بلدیاتی نظام اچ کڄھ خامیاں ہن بھل ایں سانڳے آئین و قانون اچ تبدیلی دی لوڑھ اے۔
