اقوام متحدہ۔1اکتوبر (اے پی پی):اقوام متحدہ اچ پاکستان دے مستقل مندوب منیر اکرم بھارتی غیرقانونی زیرتسلط جموں و کشمیر اچ بھارت دی ریاستی دہشت گردی دی مذمت کریندے ہوئیں بین الاقوامی برادری توں مطالبہ کیتے جو او کشمیری عوام کوں ا قوام متحد ہ دیاں قرارداداں دے مطابق حق خود ارادیت ݙیواوݨ کیتے بھارت تے دبائو پاوے انہاں بین الاقوامی برداری توں اقوام متحدہ دی سلامتی کونسل دی انہاں قراردادوں تے عملدرآمد دا مطالبہ وی کیتے جنہاں وچ رائے شماری کراوݨ دی تجویز ݙتی ڳئی اے تاں جو کشمیری عوام کوں انہاں دا حق خود ارادیت ݙتا ونڄ سڳے ۔اقوام متحدہ اچ پاکستان دے مستقل مندوب منیر اکرم گزریل ݙینھ سماجی، انسانی اتے ثقافتی مسئلیں دے حل کیتے کم کرݨ آلی اقوام متحدہ دی جنرل اسمبلی دی تھرڈ کمیٹی دی عام بحث اچ خطاب دے دوران آکھیے جو بھارت گزریل ست ݙھاکیں توں ابہام ، جبر اتے پھٹ پاوݨ دے ذریعے جموں و کشمیر ی عوام کوں انہاں دا حق خود ارادیت ݙیوݨ توں انکار کریندا پئے ، انہاں بین الاقوامی برادری تے زور پاتے جو او بھارت توں مطالبہ کرے جو او متنازعہ علاقے اچ انسانی حقوق دیاں خلاف ورزیاں ختم کرے اتے بین الاقوامی تحقیقاتی کمیشن کوں انہاں خلاف ورزیاں دی تحقیقات دی اجازت ݙیوے۔
