xاسلام آباد۔1اکتوبر(اے پی پی)وفاقی وزیر منصوبہ بندی، ترقی و خصوصی اقدامات اسد عمر دی اڳواݨی اچ سی پیک دی 10 ویں جے سی سی دے تحت سائنس و ٹیکنالوجی اتے انفارمیشن ٹیکنالوجی کیتے ورکنگ گروپ دا اجلاس تھئے۔ اجلاس اچ وفاقی وزیر سائنس و ٹیکنالوجی شبلی فراز، وفاقی وزیر آئی ٹی امین الحق، خیبر پختونخوا دے صوبائی وزیر آئی ٹی عاطف خان اتے معاون خصوصی برائے سی پیک خالد منصور، ایگزیکٹو ڈائریکٹر سی پیک اتے مختلف وزارتاں دے حکام شرکت کیتی۔ اجالس اچ 4 منصوبیاں دا جائزہ ڳھدا ڳیا جیندے اچ چین پاکستان جوائنٹ ریسرچ سنٹر آن ارتھ سائنس، سمندری تحقیق کیتے بحری جہاز ڳھنݨ، انسٹی ٹیوٹ آف سمارٹ سیمی کنڈیکٹر ٻݨاوݨ، سیلیکون سولرز سیل سودھا 500 میگاواٹ سالانہ دے پی وی پینل فیبریکیشن دی سہولت شامل ہین۔ اے منصوبے ݙاہویں جے سی سی اجلاس اچ سی پیک دا حصہ ٻݨین۔ وفاقی وزیر اسد عمر نے انہاں منصوبیاں تے عملدرآمد کیتے 30 ݙینھ اچ ایکشن پلان ٻݨاوݨ دی ہدایت کیتی۔ وفاقی وزیر سائنس و ٹیکنالوجی شبلی فراز منصوبیاں اچ اپݨی وزارت دے تعاون اتے سائنس و ٹیکنالوجی دی ایپلیکیشنز دے کردار دا جائزہ پیش کیتا۔
