جہلم ۔1اکتوبر(اے پی پی)وفاقی وزیر خزانہ شوکت ترین آکھے جو حکومت روزگار دے ودھ مواقع ݙیوݨ سانڳے جامع حکمت عملی تے کم کریندی پئی اے، ٹیکس بارے مسلیاں کوں مکاوݨ کیتے جدید ٹیکنالوجی توں فیدہ چیندے پئے ہہں۔ اسلام آباد اچ پاکستان ٹوبیکو کمپنی دی ٹریک اینڈ ٹریس سسٹم دی تقریب نال خطاب اچ انہاں آکھیا جو ملک وچ 60 فیصد نینگر 30 سال توں گھٹ عمر دے ہین، نینگراں کوں روزگار کیتے کئی پروگرام ݙتن، ٹیکس دے مسلے حل کرݨ کیتے جدید ٹیکنالوجی توں فیدہ چیندے پئے ہیں، ایں سانڳے ٹیکس نہ ݙیوݨ آلیاں کوں ڳولیا ونڄ سڳسی، جیکر ٹیکس وصولی نہ تھی سڳی تاں ملکی ترقی سست تھی ویسی، ودھ توں ودھ ٹیکس کٹھا تھیوݨ نال اساں فلاحی ریاست دا خواب تیکھے پورا کر سڳدے ہیں۔
