ایف بی آر دا ٹریک اینڈ ٹریس سسٹم جاری کرݨ ہک چنڳی خبر اے، وزیراعظم عمران خان

اسلام آباد۔1اکتوبر(اے پی پی)وزیراعظم عمران خان ایف بی آر ولوں ٹیکس کٹھا کرݨ کیتے ٹریک اینڈ ٹریس سسٹم جاری کرݨ تے ؤخش تھیندے ایکوں چنڳی خبر قرار ݙتے۔ اپݨے ٹویٹ اچ وزیراعظم آکھیے جو فیڈرل بورڈ آف ریونیو (ایف بی آر) ٹریک اینڈ ٹریس سسٹم لانچ کر ݙتے جیڑھا ہک چنڳی خبر اے، ایندے نال ریونیو ودھاوݨ، معیشیت ڈیجیٹلائز کرݨ اتے جعلسازی توں جان چھٹسی، اینڄھے سارے کم موثر اتے شفاف گورننس کیتے ہین۔