کراچی ۔4اکتوبر (اے پی پی):وزیر داخلہ شیخ رشید احمد آکھیے جو حکومت دین کیتے مدارس دی خدمات کوں قدر دی نگاہ نال ݙیکھدی اے، اے ڳال انہاں دورہ کراچی دے دوران دارالعلوم آمد دے موقع تے ممتاز عالم دین اتے صدر وفاق المدارس مفتی تقی عثمانی ںال ملاقات اچ ڳال مہاڑ کریندے ہوئیں آکھی اے ۔ وزارت داخلہ دی طرفوں جاری بیان موجب ملاقات اچ مدارس اتے نظام تعلیم سودھے افغانستان دے معاملات تے ڳال مہاڑ کیتی ڳئی ، وزیر داخلہ شیخ رشید احمد آکھیے جو میستاں تے مدارس اسلام دے مینار ہن، اسلام دی تبلیغ اچ مدارس دا کردار ٻہوں اہم اے ، انہاں آکھیے جو حکومت مدارس دی دینی خدمات کوں قدر دی نگاہ نال ݙیکھدی اے ۔ مفتی تقی عثمانی ایں موقع تے ڳال مہاڑ کریندے ہوئیں آکھیے جو افغانستان دی موجودہ صورتحال تے حکومت پاکستان دا موقف درست اے۔ وزیر داخلہ آکھیے جو دنیا طالبان حکومت کوں وقت اتے وسائل ݙیوے حالات چنڳے تھی ویسن ۔
