اسلام آباد۔5اکتوبر (اے پی پی):چیئرمین سینیٹ محمد صادق سنجرانی آکھیے جو پاکستان اتے قزاخستان وچال بہترین معاشی تعلقات نال ݙو پاسے تعاون کوں مزید ودھارا ݙیوݨ اچ مدد مل ویسی ، معاشی و تجارتی رابطے توں علاقے دے ترقی اچ وی پیشرفت تھیسی اے ڳال انہاں قزاخستان دے سفیر یرزحان کستافن نال ڳال مہاڑ کریندے ہوئیں آکھی اے جنہاں منڳل کوں اتھاں پارلیمنٹ ہائوس اچ انہاں نال ملاقات کیتی ۔ ملاقات اچ پاکستان قزاخستان ݙوطرفہ تعاون، پارلیمانی و تجارتی سطح تے وفد دے تبالیں کوں تکھا کرݨ تے اہم امور تے ڳال مہاڑ کیتی ڳئی اے ۔ چیئرمین سینیٹ آکھیے جو پاکستان اتے قزاخستان وچال بہترین معاشی تعلقات توں ݙو پاسے تعاون کوں مزید ودھارا ݙیوݨ اچ مدد مل ویسی ، معاشی و تجارتی رابطے توں علاقے دی ترقی اچ وی نمایاں پیشرفت تھیسی ،پاکستان اتے قزاخستان وچال برادرانہ تے دوستانہ تعلقات ساݙی خارجہ پالیسی دا اہم جزو ہن، سینیٹ اچ قزاخستان، پاکستان دوستی گروپ موجود اے جیں دے ذریعے ݙوہیں ملکاں وچال پارلیمانی تعلقات کوں ودھایا ونڄ سڳدے ۔
