اسلام آباد۔5اکتوبر (اے پی پی):ڈپٹی سپیکر قومی اسمبلی قاسم خان سوری آکھیے جو ٻال اساݙی قوم دا مستقبل ہن، انہاں دے حقوق دا تحفظ حکومت دی اولین ترجیح اے، ٻالاں دے نال پیار کرݨ آلا رویہ وی انہاں دیاں صلاحیتاں اچ مثبت تبدیلیاں گھن تے آندے ، منڳل کوں قومی کمیشن چائلڈ رائٹس دے زیراہتمام منعقدہ ورکشاپ دے شرکا توں خطاب کریندے ہوئیں آکھیے جو اساݙے نبی خاتم النبیین صلی اللہ علیہ وسلم ہمیشہ ٻالاں دے نال شفقت نال پیش آوݨ تے انہاں دے حقوق کوں پورا کرݨ دی تاکید کیتی اے ، ٻالاں دی صحیح تعلیم و تربیت اتے چنڳی پرورش انہاں کوں معاشرے اچ چنڳاں مقام ݙیواوݨ کیتے ضروری اے ۔قاسم خان سوری آکھیے جو وزیراعظم عمران خان دی قیادت اچ موجودہ حکومت ٻالاں دے حقوق دے تحفظ کیتے خصوصی اقدامات چیندی پئی اے ، سٹریٹ چلڈرن کوں سکولاں اچ گھن آوݨ حکومت دی اولین ترجیحات دا حصہ اے۔ انہاں آکھیے جو پارلیمنٹ ٻالاں دے نال تھیوݨ آلیاں زیادتیاں مکاوݨ کیتے زینب الرٹ ٻل پاس کیتے ، پوری دنیا اچ ٻالاں کوں زیادتیاں، جسمانی تشدد اتے ٻئے مسئلیں دا سامݨا اے ۔
