اقوام متحدہ۔5اکتوبر (اے پی پی):اقوام متحدہ اچ پاکستان دے مستقل مندوب منیر اکرم دی طرفوں اقوام متحدہ کوں بھارت دے غیر قانونی زیر تسلط جموں و کشمیر اچ بھارت دی طرفوں جھیڑا کشمیر دے نام نہاد حتمی حل کوں زبردستی مسلط کرݨ تے وݙے پیمانے تے فوجی قبضے پاروں بین الاقوامی امن اتے سلامتی کوں لاحق خطرے توں خبردار کیتے جیں دے بعد پاکستان تے بھارت دے مندوبین وچال بحث شروع تھی ڳئی ۔ بھارت دے نمائندہ اے امر ناتھ تخفیف اسلحہ اتے بین الاقوامی سلامتی دے معاملات متعلق کم کرݨ آلی جنرل اسمبلی دی پہلی کمیٹی دے اجلاس اچ گزریل ݙینھ پاکستان دے مندوب منیر اکرم دے بیان دے ولدے اچ دعوی کیتے جو کشمیر بھارت دا اٹوٹ انگ اے تے پاکستان تے الزام لاتے جو جو پاکستان دنیا اچ عدم استحکام پیدا کرݨ آلی ساریں توں وݙی طاقت اے تے ول ول سرحد تے دہشت گردی اچ ملوث اے ، جیں تے پاکستانی مندوب گل قیصر اقوام متحدہ اچ آپݨے جواب ݙیوݨ دا حق استعمال کریندے ہوئیں بھارت دے دعوی کوں مسترد کر ݙتا جو جموں و کشمیر بھارت دا اٹوٹ انگ اے۔ انہاں آکھیے جو جموں و کشمیر بین الاقوامی سطح تے منیا ڳیا متنازع علاقہ اےجیں دی حتمی حیثیت دا فیصلہ اقوام متحدہ دی نگرانی اچ رائے شماری دے ذریعے کیتا ویسی ، اقوام متحدہ اچ پاکستان مشن دے فرسٹ سیکرٹری گل قیصر کمیٹی کوں ݙسائے جو جموں و کشمیر اچ بھارت غیرقانونی اقدامات کر تے اقوام متحدہ دی سلامتی کونسل دیاں قرارداداں دی خلاف ورزی کیتی تے بھارت دی اشتعال انگیز بیان بازی علاقائی سلامتی دی صورتحال کوں مزید اوکھا بݨا ݙتے ۔
