اسلام آباد۔5اکتوبر (اے پی پی):وزیر مملکت اطلاعات و نشریات فرخ حبیب آکھیے جو وزیراعظم عمران خان دی ایکسپورٹ تے خصوصی توجہ پاروں حکومت پیداوار اتے ایکسپورٹ بیسڈ گروتھ تے کم کریندی پئی اے ، 22 ۔2021 دے پہلے ترائے مہینے اچ برآمدات 7 ارب ڈالر تئیں پڄ ڳئن ، جیڑھی جو گزریل سال 21 ۔ 2020 دے پہلے ترائے مہینے اچ 5.47 ارب ڈالر ہن، برآمدات اچ 28 فیصد اضافہ تھئے ،ایں مہینے کپاہ دی پیداوار 100 فیصد ودھا تے 3.8 ملین گھٹاں تئیں پڄی اے ، وزیر مملکت فرخ حبیب آکھیے جو پچھلے سال اکتوبر اچ اے پیداوار 1.8 ملین گھٹاں ہن ، ایندے توں نہ صرف پاکستان کوں 5 فیصد توں ودھ جی ڈی پی گروتھ حاصل کرݨ اچ مدد ملی اے بلکہ ساݙی برآمدات اچ وی ودھارا تھیسی ۔
