اسلام آباد۔6اکتوبر (اے پی پی):وزیر خارجہ مخدوم شاہ محمود قریشی آکھیے جو پاکستان، یورپی یونین دے ںال تعلقات کوں خصوصی اہمیت ݙیندے ۔اے ڳال انہاں چیئرمین، پاکستان۔ یورپی یونین فرینڈشپ فیڈریشن، پرویز اقبال لوسر نال ڳال مہاڑ کریندے ہوئیں آکھی اے جنہاں ٻدھ کوں وزارتِ خارجہ اچ انہاں نال ملاقات کیتی ۔ملاقات اچ ٻاہرلے ملک رہݨ آلے پاکستانیاں دی صورت حال سودھے سانجھی دلچسپی دے امور تے ڳال مہاڑ کیتی ڳئی اے ۔ شاہ محمود قریشی آکھیے جو یورپی ملکاں اچ پاکستانیاں دی کثیر تعداد مقیم اے جیڑھی جو ݙو طرفہ تعلقات کوں مستحکم بݨاوݨ اچ اہم کردار ادا کریندی پئی اے ۔ٻاہرلے ملک رہݨ آلے پاکستانی کمیونٹی دی فلاح و بہود ساݙی اولین ترجیحات اچ شامل اے انہاں آکھیے جو میݙی خصوصی ہدایات تے پوری دنیا اچ اساݙے سفارت خانے، ٻاہرلے ملک رہݨ آلے پاکستانیاں دی فلاح و بہبود اتے انہاں کوں پیش آندے مسئلیں دے وختی حل کیتے کوشاں ہیسے ۔
