بہاولپور کور ولوں ݙوڄھی آل پاکستان ٹرائی تھلون 16 اکتوبر کوں تھیسی

بہاولپور۔6اکتوبر(اے پی پی)بہاولپور کور ولوں ݙوڄھی آل پاکستان ٹرائی تھلون 16 اکتوبر کوں تھیسی جیندے اچ 18 توں 45 سال دی عمر دے لوک شرکت کر سڳسن۔ آئی ایس پی آر موجب ٹرائی تھلون اچ ارکان سول سوسائٹی، اساتذہ، طلبا، سرکاری ملازمین، پولیس، پاک فوج اتے رینجرز دے اہلکار شرکت کریسن۔ اے مقابلے 3 مراحل اچ تھیسن۔ مقابلیاں اچ 300 میٹر سوئمنگ، 20 کلومیٹر سائیکلنگ اتے 10 کلو میٹر پیدل ٻھڄݨ شامل ہوسی۔ مقابلیاںاچ شرکا کوں تریے مرحلے ویلھے تے پورے کرݨے ہوسن۔ ہر مرحلے اچ چنڳی کارکردگی دے کھیݙاڑی کوں انعامات ملسن۔ ایں ٹرائی تھلون دا مقصد معاشرے اچ کھیݙاں دی صحت مند سرگرمیاں ودھاوݨ اتے نینگراں کوں ہک ٻئے توں سکھݨ دا موقع ݙیوݨ اے۔