رام اللہ ۔7اکتوبر (اے پی پی):فلسطین یہودیاں کوں مسیت اقصیٰ اچ عبادت دی اجازت ݙیوݨ دے اسرائیلی عدالت دے فیصلے دی مذمت کیتی اے ۔فلسطینی وزارت خارجہ ھک بیان اچ آکھیے جو اسرائیلی عدالت دا فیصلہ مسیت اقصیٰ تے فلسطین دے خلاف واضح جارحیت اے۔مسیت اقصیٰ کمپاؤنڈ مسلماناں دی ھک مقدس جاہ تے اسرائیلی عدالت دا فیصلہ “مسیت دے مقدس احاطے کوں ونڈݨ دے پاسے ھک قدم اے ، بیان اچ مزید آکھیے جو اے فیصلہ مسیت اقصیٰ اتے ایندی تاریخی اتے قانونی حیثیت کوں خطرناک نتائج دی پاسے گھن ویسی ، ایں فیصلے دا مقابلہ کرݨ کیتے سارے سیاسی اتے سفارتی اقدامات کیتے ویسن ۔ بیان اچ مزید آکھیا ڳئے جو فلسطینی وزارت خارجہ علاقائی اتے بین الاقوامی سطح تے اردن ، عرب لیگ اتے اسلامی تعاون تنظیم (او آئی سی) دے نال ایں سلسلے اچ کوششاں کوں تکھا کریسی ۔
