پاناما، پیراڈائز اتے ہݨ پنڈورا پیپرز لُٹی دولت دی منی لانڈرنگ کیتے ہزاراں آف شور کمپنیاں دے اسعتمال دی تصدیق کیتی اے، صدر مملکت ڈاکٹر عارف علوی دا ٹویٹ

اسلام آباد۔7اکتوبر (اے پی پی) صدر مملکت ڈاکٹر عارف علوی آکھیا جو پاناما، پیراڈائز اتے ہݨ پنڈورا پیپرز لُٹی دولت دی منی لانڈرنگ کیتے ہزاراں آف شور کمپنیاں دے اسعتمال دی تصدیق کیتی اے۔انہاں اچوں ست سو دا تعلق پاکستان توں اے اتے انہاں توں ضرور تحقیقات تھیوݨی چاہیدی اے۔ خمیس کوں آپݨے ٹویٹ اچ انہاں آکھیا جو لُٹی دولت واپسی آندی ونڄے پر انہاں ٹیکس چوراں دی پناہ گاہواں دا کیا کروں؟ ہک صدی توں ودھ عرصے توں مغرب دے تلوں ٹیکس پناہ گاہواں اچ لٹی ہوئی دولت لُکاوݨ دی ہک تاریخ اے۔ انہاں آپݨے ٹویٹ اچ سکندر اتے قزاق وچال مکالمے دا وی حوالہ ݙتا جئیں اچ علامہ اقبال دے نیڑے چھوٹے وݙے لٹیرے ہکو سویں ہن۔ صدراو مکالمہ وی ٹویٹ کیتا جیڑھا جو ایں اے۔
”سکندر:
صلہ تیرا تری زنجیر یا شمشیر ہے میری
کہ تیری رہزنی سے تنگ ہے دریا کی پہنائی
قزاق:
سکندر! حیف، تو اس کو جواں مردی سمجھتا ہے
گوارا اس طرح کرتے ہیں ہم چشموں کی رسوائی؟
ترا پیشہ ہے سفاکی، مرا پیشہ ہے سفاکی
کہ ہم قزاق ہیں دونوں، تو میدانی، میں دریائی”