کراچی۔8اکتوبر(اے پی پی)آئی سی سی مینز ٹی ٹونٹی ورلڈکپ کیتے پاکستان کرکٹ ٹیم دے سکواڈ اچ تبدیلیاں کر ݙتیاں ڳین۔ فخر زمان، سرفراز احمد اتے حیدر علی کوں قومی سکواڈ اچ پاتا ڳئے۔ پی سی بی موجب آئی سی سی مینز ٹی ٹونٹی ورلڈ کپ 17 اکتوبر توں 14 نومبر تئیں متحدہ عرب امارات اچ تھیسی۔ ایونٹ اچ پاکستان اپݨا پہلا میچ 24 اگست کوں بھارت نال کھیݙسی۔ قومی سکواڈ اچ 3 کھیݙاڑیاں اعظم خان اتے محمد حسنین دی ڄاہ تے وکٹ کیپر بیٹر سرفراز احمد اتے حیدر علی کوں 15 رکنی قومی سکواڈ اچ پاتا ڳئے۔ ٹریول ریزرو اچ موجود فخر زمان کوں خوشدل شاہ دی ڄاہ تے شامل کیتا ڳئے۔ 15 رکنی قومی سکواڈ اچ بابر اعظم کپتان، شاداب خان نائب کپتان، آصف علی، فخر زمان، حیدر علی، حارث رئوف، حسن علی، عماد وسیم، محمد حفیظ، محمد نواز، محمد رضوان (وکٹ کیپر )، محمد وسیم جونیئر، سرفراز احم، شاہین شاہ آفریدی اتے صہیب مقصود شامل ہین۔ ٹریولنگ ریزرو اچ خوشدل شاہ، شاہنواز دھانی اتے عثمان قادر ہوسن۔ قومی ٹیم دے سپورٹ سٹاف اچ منصور رانا ٹیم منیجر، ثقلین مشتاق عبوری ہیڈ کوچ، شاہد اسلم اسسٹنٹ ہیڈ کوچ، میتھیو ہیڈن بیٹنگ کنسلٹنٹ، ورنن فلینڈر باولنگ کنسلٹنٹ، کلف ڈیکن فزیوتھراپسٹ، ڈریکس سائمن سٹرینتھ اتے کنڈیشنگ کوچ، عبدالمجید فیلڈنگ کوچ، طلحہ اعجاز ٹیماینالسٹ، کرنل (ر) محمد عمران سیکورٹی منیجر، ابراہیم بادیس میڈیا اتے ڈیجیٹل منیجر، ڈاکٹر نجیب سومرو ٹیم ڈاکٹر اتے ملنگ علی ٹیم مساجر شامل ہین۔
