لزبن۔11اکتوبر (اے پی پی):پرتگال دے مایہ ناز فٹبالر کرسٹیانو رونالڈو کیریئردا 181 واں انٹرنیشنل میچ کھݙ تے یورپیئن ریکارڈ قائم کرݙتا۔ کرسٹیانو رونالڈو اے اعزاز آندے سال ورلڈ کپ دے میزبان قطر دے خلاف دوستانہ میچ اچ شرکت کر تے حاصل کیتے۔پرتگال دے الگروی سٹیڈیم اچ کھیݙیے ڳئے ایں میچ اچ پرتگال یکطرفہ مقابلے دے بعد قطر کوں 0-3 توں ہراݙتے ۔ مانچسٹر یونائیٹڈ دے سٹار فٹبالر سرجیو راموس کوں پچھوں چھوڑ ݙتا ، سرجیو راموس ایندے توں پہلے یورپی اقوام دی طرفوں ساریں توں ودھ 180 میچز کھیݙ چکئے ہن، رونالڈو میچ دے 37 ویں منٹ اچ گول کرتے ٹیم کوں برتری ݙیوائی جیں دے ترائے منٹ بعد جوز فونٹے ٹیم دی برتری کوں ݙوگنا کریندے ہوئیں 0-2 کرݙتا ۔ آر بی لیپزگ دے اسٹرائیکر آندرے سلوا کھیݙ دے آخری منٹ اچ گیند کوں ڄال اچ سٹیندے ہوئیں مقابلہ 0-3 کر ݙتا جیڑھا جو کھیل دے آخر تئیں برقرار رہیا ۔
