راجن پور۔13اکتوبر (اے پی پی):وزیر مملکت موسمیاتی تبدیلی زرتاج گل وزیر دی زیر صدارت ڈپٹی کمشنر آفس اچ ارکان اسمبلی دی ضلعی رابطہ کمیٹی دا اجلاس منعقد تھئے۔ جیں وچ مشیر وزیر اعلیٰ پنجاب محمد حنیف پتافی، ڈپٹی کمشنر ذیشان جاوید، ضیاء اللہ خان،ایڈیشنل ڈپٹی کمشنرز اتے متعلقہ افسران موجود ہن ایں موقع تے امن و امان،ترقیاتی منصوبیں،کورونا ایس اوپیز، ڈینگی اتے بئے معاملات دا جائزہ ڳھدا ڳئے ۔ وزیر مملکت زرتاج گل وزیر آکھیے جو شہر خاموشاں پراجیکٹ دسمبر تئیں مکمل کیتا ونڄے ، نیڑے آبادیاں اچ سوئی گیس دی فراہمی دسمبر تئیں یقینی بݨائی ونڄے۔محکمہ تعلیم بوائز سنٹرآف ایکسی لینس اتے بوائز ہائی سکول نمبر1 دی حد براری اتے متعلقہ مسئلے حل کراوٖ ۔ قبائلی علاقے اچ امن و امان دی بہتری کیتے اقدامات کیتے ونڄن ۔کورونا ویکسی نیشن دی شرح بہتر کیتی ونڄے ۔
