اسلام آباد۔13اکتوبر (اے پی پی):سینٹ دی قائمہ کمیٹی اطلاعات ونشریات دے چیئرمین فیصل جاوید آکھیے جو عشرہ رحمت اللعالمینؐ اتے 12ربیع الاول شایان شان طریقے نال مناوݨ کیتے وفاقی اتے صوبائی سطح تے عظیم الشان تقریبات منعقد کیتیاں ویسن ایں ݙینھ عام چھٹی ہوسی ۔بدھ کوں آپݨے ھک ٹویٹ اچ انہاں آکھیے جو محسن انسانیت، خاتم النّبیین پیغمبر اعظم ﷺ دی سیرت دی آگاہی کیتے تقریبات، میلاد اتے کانفرنساں منعقد کیتیاں ویسن -ایں عشرہ (3-13 ربیع الاول) کوں وزیراعظم سمیت، پارٹی ورکرز اتے عوام بھرپور طریقے نال منیسن – جشن عید میلاد النبیﷺ شایان شان طریقے نال مناوݨ کیتے وفاقی اتے صوبائی سطح تے عظیم الشان تقریبات دا انعقاد کیتا ویندا پئے ، مرکزی تقریب 12 ربیع الاول کوں تھیسی تے حسب معمول ایں ݙینھ عام چھٹی ہوسی۔
