ہزاراں افغان اقوام متحدہ دی پناہ گزین ایجنسی توں امداد گھندے پئن ، اقوام متحدہ

کابل ۔14اکتوبر (اے پی پی):اقوام متحدہ دے ہائی کمشنر مہاجرین (یو این ایچ سی آر) افغانستان اچ ہزاراں ضرورت مند لوکاں کوں مدد ݙتی اے ۔اقوام متحدہ دے خبر رساں ادارے موجب یو این ایچ سی آر افغانستان ٹویٹ کیتے جو یو این ایچ سی آر ٻہوں امدادی ایجنسیاں دی سانجھ توں کابل ، قندھار ، قندوز اتے بلخ صوبیں اچ مجموعی طور تے 4،506 لوکاں کوں گھریلو چیزاں ݙتن ۔ایجنسی آکھیے جو افغانستان دے صوبہ ہرات اچ اساں بنیادی ضرورتاں کوں پورا کرݨ کیتے 665 لوکاں کوں نقد گرانٹ ݙتی جݙاں جو کابل اتے ہرات اچ 973 لوکاں نقد رقم وصول کیتی ۔ اقوام متحدہ متعدد غیر سرکاری تنظیماں دے نال رل تے موسم پالے توں پہے بحران زدہ افغانیاں کوں امدادی سامان ݙیندےپئن ، یو این ایچ سی آر مزید آکھیے جو افغانستان اچ بے روزگاری دی شرح اتے ودھدی غربت دے نال معاشی صورتحال مزید خراب تھیندی پئی اے ۔