واشنگٹن۔14اکتوبر (اے پی پی):امریکی وزیر خارجہ اینٹونی بلنکن چتاوݨی ݙتی اے جے ایران جوہری معاہدے کوں بچاوݨ کیتے مذاکرات اچ نیک نیتی توں واپس نہ آیا تاں ول ایں معاملے تے ایران نال نبݨݨ کیتے ٻئے آپشن تے غور کرییسوں ۔جرمن خبر رساں ادراے موجب انہاں گزریل ݙینھ آپݨے اسرائیلی اتے متحدہ عرب امارات دے اپݨے ہم منصباں توں سہ فریقی ڳال مہاڑ دے بعد ھک بیان اچ آکھیے جے ایران ایں معاہدے اچ امریکی شمولیت دے بعد وی اینکوں ول عمل کرݨ دی پیشکش کوں مسترد کریندے تاں ول ݙوجھے متبادل وی موجود ہن۔انہاں آکھیے اساں ایران دی طرفوں درپیش چیلنجز نال نبݨݨ کیتے ہر ممکن آپشنز تے غور کریسوں ۔اساں ایں ڳال تے یقین رکھیندوں جو ایجھے معاملات کیتے سفارت کاری ساریں توں موثر طریقہ کار اے۔ تاں جو اساں ہݨ تئیں ایجھا کجھ نی ݙیکھدے پئے جیں توں اے محسوس تھیوے جو ایران ایجھا کرݨ کیتے من ڳھدے۔
