لاہور۔14اکتوبر (اے پی پی):پاکستان کرکٹ بورڈ خمیس دے ݙینھ ناردرن کرکٹ ایسوسی ایشن دے ذیشان ملک کوں پی سی بی ضابطہ انسداد بدعنوانی دے تحت عارضی طور تے معطل کرݙتے،او پی سی بی اینٹی کرپشن یونٹ دی تحقیقات مکمل تھیوݨ تئیں کہیں قسم دی کرکٹ دی سرگرمی اچ حصہ نی گھن سڳدے ۔ترجمان پی سی بی موجب پی سی بی ضابطہ انسداد بدعنوانی آرٹیکل 4.7.1الف ب) دے تحت اے کارروائی عمل اچ گھن آئی ڳئی اے اہاں آکھیے جو عارضی طور تے معطل کرݨ دا کوئی وی فیصلہ متعلقہ لوکاں کوں تحریری طور تے بھیڄا ویسی جیں دی ھک کاپی ایں ویلھے آئی سی سی اتے نیشنل فیڈریشن کوں وی بھیجی ویسی ، انہاں آکھیے چونکہ ایں معاملے تے تحقیقات جاری ہن لہذا پی سی بی ایں حوالے نال مزید کوئی وی تبصرہ نہ کریسی ۔
