بھارت دے غیرقانونی زیر تسلط جموں و کشمیر اچ انسانی حقوق دی منظم خلاف ورزیاں تے بھارت دا احتساب کیتا وینڄے ،پاکستان دے نائب مستقل نمائندہ عامر خان دا اقوام متحدہ دی ہائی کمشنر انسانی حقوق مشیل بیچلٹ تے زور

اقوام متحدہ۔14اکتوبر (اے پی پی):پاکستان اقوام متحدہ دی ہائی کمشنر انسانی حقوق مشل بیچلٹ تے زور ݙتے جو او بھارت دے غیرقانونی زیر تسلط جموں و کشمیر اچ انسانی حقوق دی منظم خلاف ورزیاں تے بھارت دا احتساب کرن تے جے اینویں نہ کیتا ڳیا تاں اینکوں توں انہاں دے دفتر دی ساکھ مزید متاثر تھیسی ۔ اقوام متحدہ اچ پاکستان دے نائب مستقل نمائندہ عامر خان اقوام متحدہ دی جنرل اسمبلی دی سماجی، ثقافتی اتے انسانی امور کیتے کم کرݨ آلی تریجھی کمیٹی اچ اقوام متحدہ دی ہائی کمشنر انسانی حقوق مشیل بیچلٹ دے نال مکالمے دے دوران انہاں کوں بھارت دے غیرقانونی زیر تسلط جموں و کشمیراچ بھارت دی انسانی حقوق دی مسلسل خلاف ورزیاں بارے ݙسایا تے تحقیقات دا مطالبہ کیتے۔ پاکستان دے نائب مستقل نمائندہ اقوام متحدہ دی انسانی حقوق کونسل اچ جموں و کشمیر اچ بھارت دے کشمیری عوام دے حقوق دی ٻہوں ساریاں خلاف ورزیاں کوں اجاگر کݨ تے ہائی کمشنر دا شکریہ ادا کریندے ہوئیں انہاں کوں آکھیے جو انہاں کوں امید اے جو ہائی کمشنر دفتراپݨی رپورٹ اچ جموں و کشمیر اچ قابض بھارتی افواج دی وݙے پیمانے تے خلاف ورزیاں کوں شامل کریسی جیں اچ بھارت دے 9 لکھ فوجیاں دے مقبوضہ علاقے تے قبضہ، ڈیموگرافک تبدیلی گھن آوݨ کیتے 42 لکھ نقلی ڈومیسائل سرٹیفیکٹ دا اجرا،پیلٹ گنز دا استعمال کریندے ہوئیں وݙے پیمانے تے کشمیریاں کوں بینائی توں محروم کرݨا اتے ماورائے عدالت ہزاراں لوکاں دا قتل،کشمیریاں دے گھراں کوں مسمار کرݨ، وݙے پیمانے تے جبری قید ، ظلم و جبر ،تشدد ، عصمت دری کوں جنگ دے ہتھیاردے طور تے استعمال کرݨا، اجتماعی قبراں دی دریافت اتے کشمیریاں کوں غائب کرݨ ، انسانی حقوق دے حامیاں ، صحافیاں تے میڈیادے خلاف کریک ڈائون، انٹرنیٹ اتے ٹیلی کمیونیکیشن دی بندش شامل اے۔