لاہور۔15اکتوبر(اے پی پی)آئی سی سی ٹی ٹوئنٹی ورلڈکپ سانڳے قومی ٹیم بابر اعظم دی اڳواݨی اچ دبئی پڄ گئی اے۔ پاکستانی ٹیم دبئی اچ ہک ݙینھ قرنطینہ کریسی۔ قومی ٹیم دے 2 پریکٹس میچز 18 اتے 20 اکتوبر کوں ویسٹ انڈیز اتے جنوبی افریقا نال تھیسن۔ ٹی ٹوئنٹی کپ اچ پہلا ٹاکرا بھارت نال 24 اکتوبر کوں تھیوݨے۔ ورلڈکپ کیتے 15 رکنی اسکواڈ اچ بابر اعظم کپتان، شاداب خان نائب کپتان، فخر زمان، محمد حفیظ، حیدر علی، آصف علی، محمد رضوان، سرفراز احمد، عماد وسیم، محمد نواز، شاہین شاہ آفریدی، حسن علی، حارث روف اتے محمد وسیم جونیئر شامل ہیں۔ خوشدل شاہ، شاہنواز دھانی اتے عثمان قادر ریزرو اچ ہین۔
