اسلام آباد۔16اکتوبر (اے پی پی) وزیراعظم عمران خان آکھیا جو ربیع الاول او مبارک مہینہ اے جئیں اچ اساݙے نبی حضرت محمدﷺ ۖ دنیا اچ تشریف گھن آئے۔ ہفتے کوں عیدمیلاد النبیۖ ﷺ بارے آپݨے خصوصی سنیھے اچ انہاں آپݨے حبیب حضرت محمدﷺ ۖ کوں رحمت اللعالمین دا خصوصی خطاب ݙتا۔ حضور نبی کریم ۖ ﷺ دنیا دی تاریخ دے ساریاں توں وݙے لیڈر ہن۔ انہاں آخھیا جو لیڈر دی ساریاں توں وݙی خصوصیت ایہو ہوندی اے جو او لوکاں کوں کٹھا کریندے۔ انہاں آکھیا جو میݙی خواہش اے جو عید میلاد النبیۖﷺ اچ سارے لوک بھرپور طریقے نال شریک تھیون۔ پاکستان دی تاریخ اچ عید میلاد ﷺ دا شاندار جشن منایا ویسی۔ وزیراعظم عمران خان قوم دے نا ں آپݨے سنیھے اچ عوام، میڈیا، اقلیتاں سودھے پوری قوم کوں جشن عید میلاد النبیۖ اچ شرکت دی دعوت ݙتی۔
