سرائیکی دھرتی دے عظیم شاعر امیر بخش دانش اللہ کوں پیارے تھی ڳئن

اسلام آباد۔17اکتوبر (اے پی پی):سرائیکی دھرتی دے عظیم شاعر امیر بخش دانش اللہ کوں پیارے تھی ڳئن انہاں دی عمر 109 سال ہئی لیکن بلا دا حافظہ رکھیندے ہں حالی تئیں وی انہاں کوں آپݨی شاعری یاد ہئی پئی ، اکادمی ادبیات ھک سرائیکی مشاعرہ کرایا تاں او صاحب صدارت دے طور تے سݙیے ڳئے ہں لیکن طبعیت خرابی پاروں شریک نہ تھی سڳئے تاں انہاں آپݨا کلام ویڈیو دے ذریعے پٹھ ݙتا سرائیکی عوامی تریمت تحریک دی اگواݨ محترمہ ادی عابدہ آکھیے جو امیر بخش دانش میݙے اباسئیں سفیر لاشاری دے سنڳتی، ہمعصر اتے عظیم شاعر ہن ۔او حضرت خواجہ غلام فرید دے وصال دے 11سال بعد اتے حضرت نازک کریم دے وصال توں 2 سال 1912 اچ ڄمیے ۔ او سرائیکی دے قادرالکلام شاعر ہن ۔انھاں غلام حیدر یتیم، جانبازجتوئی، عبدالکریم دلشاد، فیض محمد دلچسپ ،سفیرلاشاری، نور محمد سائل تے کئی بزرگ شاعراں دے ںال سینکڑاں مشاعرے پڑھیے۔