اسلام آباد۔17اکتوبر (اے پی پی):پروفیسر سعید اختر سیال گزریل ݙینھ دل دا دورہ پووݨ پاروں اللہ کوں پیارے تھی ڳئن ، سرائیکی ادبی اکیڈمی دی صدر ڈاکٹر سعدیہ کمال آکھیے جو دمان توں پروفیسر سعید اختر سیال دی وفات وسیب کیتے ٻہوں وݙا ضیان اے دمان دے شاعر اتے قوم پرست سعید اختر سیال چنڳی شاعری دے نال نثر نگاری اچ وی نویں اسلوب دا منڈھ ٻدھیا تے ہمیشہ سرائیکی صوبہ کیتے وی جدوجہد کریندے رہیے ۔ شاہد دھریجہ آکھیے جو انہاں دی رحلت وسیب کیتے ضیان اے اساکوں ٻہوں ݙکھ تھئے ، سرائیکی وسیب دے انہاں شاعر آپݨی وکھری شاعری دی وجہ توں وسیب دے لوکاں تے نہ وسمݨ آلے نقش چھوڑئن ، سرائیکی ادبی اکیڈمی دے سارے ممبر اتے سرائیکی ٹی وی دی پوری ٹیم ݙکھیے ویلھے پورے وسیب نال تعزیت کریندن ، انہاں دعا کیتی اے جو اللہ سئیں سعید اختر سیال کوں جوارر رحمت جاہ ݙیوے انہاں دی بخشش فرماوے اتے انہاں دے گھر آلیں کوں اے ݙکھ برداشت کرݨ دی ہمیت دی حوصلہ ݙیوے ۔
