اسلام آباد۔18اکتوبر (اے پی پی):صدرِ مملکت ڈاکٹر عارف علوی معروف کالم نگار، صحافی اتے ادیب ڈاکٹر محمد اجمل نیازی دی وفات تے ݙکھ تے افسوس کیتے ، سنوار کوں آپݨے تعزیتی بیان اچ انہاں آکھیے جو معروف کالم نگار، صحافی اتے ادیب، ڈاکٹر محمد اجمل نیازی دی وفات دا سݨ تے ٻہوں ݙکھ تھئے ۔ اللہ مرحوم کوں جوار رحمت اچ جاہ ݙیوے ۔ مرحوم پاکستان دے ادب اتے صحافت دے شعبے اچ چنڳے مقام دی حامل شخصیت ہن۔ صدر مملکت آکھیے جو مرحوم مختلف شعبیں اچ خدمات نال خود کوں امر کر ڳئن۔ اللہ انہاں دے خاندان کوں صبر ݙیوے ۔
