نیو یارک ۔18اکتوبر (اے پی پی):مشیر خزانہ و محصولات شوکت فیاض احمد ترین آکھیے جو ٻاہرلے ملک رہݨ آلے پاکستانی ملکی معیشت اچ ریڑھ دی ہڈی وانڳوں ہن، اوور سیز پاکستانی روشن ڈیجیٹل اکاونٹس کھولن تاں ایں اقدام دے تحت پیش کیتی ونڄݨ آلی ٻہوں ساری مصنوعات توں فیدہ چاون ، حکومت دنیا اچ رہݨ آلے تارکین وطن کوں بغیر کہیں رکاوٹ دے مالی خدمات ݙیوݨ کیتے پرعزم اے۔ اے ڳال انہاں نیو یارک اچ پاکستانی قونصلیٹ جنرل دے زیر اہتمام ” روشن ڈیجیٹل اکاونٹس: ٻاہرلے ملک رہݨ آلے پاکستانیاں کیتے فوائد “ دے عنوان توں مباحثے دے دوران پاکستانی کمیونٹی دے ارکان نال ڳال کریندے ہوئیں آکھی اے ۔نیو یارک اچ پاکستانی قونصلیٹ جنرل مشیر خزانہ و محصولات شوکت فیاض احمد ترین دے نال” روشن ڈیجیٹل اکاونٹس، ٻاہرے ملک رہݨ آلے پاکستانیاں کیتے فوائد “ دے عنوان توں مباحثے دا اہتمام کیتا۔ ایں مباحثے دے پینل میں سٹیٹ بینک آف پاکستان دے گورنر ڈاکٹر رضا باقر اتے انسٹی ٹیوٹ آف بزنس ایڈمنسٹریشن (آئی بی اے) کراچی دے ایگزیکٹو ڈائریکٹر ڈاکٹر ایس اکبر زیدی وی شریک ہتھئن ، ۔مشیر خزانہ و محصولات شوکت ترین آپݨے کلیدی خطاب اچ دنیا اچ وسݨ آلے تارکین وطن پاکستانی کمیونٹی دے لوکاں کوں بغیر کہیں رکاوٹ دے مالی خدمات ݙیوݨ دے حکومتی عزم دا اعادہ کیتا۔
