اسلام آباد۔18اکتوبر(اے پی پی)حکومت وزیر خزانہ شوکت فیاض ترین کوں وزیراعظم دا مشیر برائے امور خزانہ مقرر کر ݙتے۔ انہاں دا عہدہ وفاقی وزیر دے ساویں ہوسی۔ او وزیر خزانہ دے طور تے کم کریندے پئے ہن بھل انہاں دی قومی اسمبلی دا رکن ٻݨیے بغیر وفاقی وزیر ٻݨاوݨ دی مدت چھݨ چھݨ کؤں مُک ڳئی ہئی تہوں انہاں کوں مشیر خزانہ لایا ڳئے۔ آئین پاکستان دے تحت عوامی نمائندہ ٻݨیے بغیر کہین وی ڄݨے کوں 6 مہینے کیتے وفاقی وزیر لایا ونڄ سڳدے۔ کابینہ اچ رہݨ کیتے غیر منتخب شخص دا سینیٹر یا قومی اسمبلی دا رکن ٻݨݨ ضروری اے۔
