ٹی20ورلڈ کپ: گرین شرٹس وارم اپ میچ اچ کالی اندھاری پچھاڑ ݙتی

دبئی 18اکتوبر(اے پی پی)ٹی 20ورلڈ کپ اچ قومی فاسٹ باؤلراں دی شاندار باؤلنگ نال گرین شرٹس کالی اندھاری نال اپݨا پہلا وارم اپ میچ جت تے اپݨے خطرنال ارادے ݙکھا ݙتن۔ ویست انݙیز پہلے کھیݙدے 7 وکٹاں تے 130 دروکاں ٻݨائن۔ قومی ٹیم اے ہدف 3 وکٹاں تے پورا کر ڳھدے۔ پاکستان ولوں فاسٹ بالراں شاہین آفریدی،حسن علی اتے حارث رؤف ݙو ݙو کھیݙاڑی آئوٹ کیتن۔ پاکستان ولوں کپتان بابر اعظم ففٹی کیتی اتے فخر زمان 24 ٻالاں تے دھواں دھار 46 رنز ٻݨائن۔ محمد رضوان 13 اتے شعیب ملک ناٹ آؤٹ 14سکور کیتے۔ قومی ٹیم اچ کپتان بابر اعظم، نائب کپتان شاداب خان، آصف علی، فخر زمان، حیدر علی، حارث رؤف، حسن علی، عمادوسیم، محمد حفیظ، محمد نواز، محمد رضوان، محمد وسیم، سرفراز احمد، شاہین شاہ آفریدی اتے شعیب ملک ہین۔ قومی ٹیم اپݨا پہلا میچ 24 اکتوبر کوں بھارت نال کھیݙسی۔