دبئی۔18اکتوبر(اے پی پی)ٹی 20 ورلڈ کپ دے تریڄھے میچ اچ آئرلینڈ، نیدر لینڈ کوں 7 وکٹاں توں ہرا ݙتے اتے 107 رنز دا ہدف آئرش ٹیم صرف 3 وکٹاں تے پورا کیتے۔ نیدرلینڈ دے کپتان پیٹر سیلر ٹاس جیت تے پہلے بیٹنگ کیتی اتے پوری ٹیم 20 اووراں اچ صرف 106 سکور کر سڳی۔آئر لینڈ دے بالر کرٹس کیمفر 4 بالاں تے 4 کھیݙاڑی آئؤٹ کرتے نویں تاریخی لکھی اے۔ انہاں کوں مین آف دی میچ قرار ݙتا ڳئے۔ آئرلینڈ دے کپتان اینڈی بالبرنی ایونٹ اچ کامیابی تے خوشی ݙکھیندے آکھیا جو اساں ایونٹ اچ چنڳی کارکردگی ݙکھاوݨ کیتے پرجوش ہیں، ٻئے میچ وی چنڳے کھیݙݨ دی کوشش کریسوں۔
