اسلام آباد۔19اکتوبر (اے پی پی):وزیر داخلہ شیخ رشید احمد آکھیے جو ولادت خاتم النبیین حضرت محمدؐ دے مبارک ترین ݙینھ تے پوری امت مسلمہ کوں مبارک پیش کرینداں ۔ منگل کوں وزارت داخلہ توں جاری بیان موجب شیخ رشید احمد جشن عید میلادالنبیؐ دے موقع تے آپݨے پیغام اچ آکھیے جو نبی آخرالزمان حضرت محمدؐ دا امتی ہووݨ تے ٻہوں فخر محسوس کرینداں ۔ نبی آخرالزمانؐ مذہبی، لسانی، معاشرتی اتے معاشی تعصبات توں پاک معاشرے دی بنیاد رکھی۔ وزیر داخلہ شیخ رشید آکھیے جو اسوہ حسنہ تے عمل کرتے ہی اساں بہترین معاشرہ تشکیل ݙے سڳدوں۔ انہاں دعا کیتی جو اللہ تعالی اساں ساریں کوں اسوہ حسنہ تے عمل کرݨ دی توفیق ݙیوے ۔
