اسلام آباد۔20اکتوبر (اے پی پی):وفاقی وزیرداخلہ شیخ رشید احمد پاکستان داخل تھیوݨ دی کوشش کرݨ آلی بھارتی آبدوز دا پیشگی پتہ لاوݨ تے پاک بحریہ کوں سلام پیش کریندے ہوئیں پاک بحریہ دی پیشہ وارانہ صلاحیتاں کوں خراج تحسین پیش کیتے۔ منگل کوں آپݨے بیان اچ وزیر داخلہ آکھیے جو پاکستانی حدود اچ داخل تھیوݨ دی کوشش کریندی بھارتی آبدوزدا پتہ لاوݨ تے پاک بحریہ کوں سلام پیش کرینداں ۔ انہاں آکھیے جو ملکی دفاع اچ پاک بحریہ دی پیشہ وارانہ صلاحیتاں داپہلے ہی ٻہوں معترف ہاں، اڄوکے مہینے آبدوز “حمزہ” دے دورے توں پاک بحریہ دیاں صلاحیتاں تے میݙا یقین مزید پختہ تھی ڳئے ۔وزیر داخلہ آکھیے جو بھارت شاید بھل ٻیٹھے جو پاک بحریہ وی ٻئی فورسز وانڳوں ہر ویلھے مستعد اتے چوکس اے، دنیا بھارت دی پاکستان مخالف جارحیت دا نوٹس گھنے۔
