ملتان ۔22اکتوبر (اے پی پی):بہاءالدین زکریایونیورسٹی ملتان دے سکیورٹی ونگ اچ پہلی واری تریمت سکیورٹی گارڈ دا دستہ شامل تھی ڳئے۔ سکیورٹی ونگ اچ شامل تریمتاں دے چاق و چوبند دستہ وائس چانسلر پروفیسر ڈاکٹر منصور اکبر کنڈی کوں سلامی اتے گارڈ آف آنرپیش کیتا۔ایں موقع تے یونیورسٹی آر او طاہر محمود ، چیف سیکورٹی آفیسر ملک خلیل احمد کھورو ٻیا سیکورٹی سٹاف وی موجود ہئی ۔وائس چانسلر پروفیسر ڈاکٹر منصور اکبر کنڈی یونیورسٹی سکیورٹی اسکارڈ اچ تریمتاں دے دستے دی شمولیت تے خوشی دا اظہار کریندے ہوئیں آکھیے جو جدید دور دا اے تقاضا ہئی جو میل سیکورٹی گارڈ دے نال نال فی میل سیکورٹی گارڈز وی ہووݨیاں چاہیدن تاں جو یونیورسٹی اچ تریمت ہاسٹلز اچ انہاں نویاں تریمتاں کوں سیکورٹی گارڈز کوں سوکھیں تعینات کیتا ونڄ سڳے ۔ انہاں آکھیے جو میں توقع کرینداں جو تریمت سکیورٹی گارڈز ایمانداری اتے لڳن دے نال آپݨے فرائض سرانجام ݙیسن اتے زکریایونیورسٹی سکیورٹی ونگ کوں مزید مضبوط کرݨ اچ آپݨا موثر کردار اداکریسن ۔
