لاہور۔25اکتوبر(اے پی پی)پی آئی اے پاکستان توں فجیرہ (متحدہ عرب امارات) کیتے پروازاں شروع کر ݙتن۔ ترجمان پی آئی اے موجب افتتاحی پرواز پی کے 243 لاہور توں فجیرہ متحدہ عرب امارات ڳئی۔ لاہور ایئر پورٹ تے ڈسٹرکٹ مینیجر ڈاکٹر عبدالمقدم اتے اسٹیشن مینیجرعلی عباس شاہ پہلی پرواز دے مسافراں کوں الوداع کیتا۔ قومی ایئر لائن فجیرہ کیتے آپݨے بوئنگ 777 طیارے استعمال کریندی پئی اے۔ پہلی پرواز توں 296 مسافر فجیرہ پڄین۔ پی آئی اے ولوں لہور، اسلام آباد اتے پشاور توں ہفتہ وار ترائے پروازاں روانہ تھیسن ۔ پی آئی اے پہلی ایئر لائن اے جیڑھی فجیرہ سانگے فضائی سروس شروع کیتی اے۔
